O luns 8 de novembro impartiuse un obradoiro sobre dúas mulleres científicas relevantes na historia do noso país: Ánxeles Alvariño (1916-2005), precursora na investigación oceanográfica mundial. E Isabel Zendal (s. XIX), considerada pola OMS como a primeira enfermeira en misión internacional. Ambas con raíces galegas, contribuíron notablemente á investigación e á ciencia.
Este obradoiro, dirixido neste caso ao alumnado de 5º e de 6º de primaria do noso centro, levouse a cabo por cortesía da Secretaría Xeral de Política Lingüística da Consellería de Cultura, Educación e Universidade.
Deixamos unhas fotos do obradoiro e algunha das súas actividades baseadas en técnicas xaponesas de estampadiño de pintura.
Comentarios
Publicar un comentario